مطبخ أم هشام
مأكولات و حلويات مغربية
Home » » رغايف معمرين بالروز والكاشير

رغايف معمرين بالروز والكاشير

Written By Oum Hicham on mardi 18 septembre 2012 | 13:28



المقادير :

 نصف كيلو  طحين  فرص + رابعة  طحين فينو +  خمارة حمرة  شوية ملحة + ماء دافى.
نعجن  عادي و ندلكها بحال عجينة  لمسمن و نعملها كويرات صغار و نخلوهم  ارتاحوا.

الحشوة :

كاس عنبة روز نعبروه في الأول تم نسلقه و نصفوه.+ 2 بصلات  كبار مشلدين + 3 فلفلات  ملونين  مقطعين مكعبات صغار +شوية كاشير محكوك + 1 معلقة طماطم  حك+ 1 كنور +شوية  هريسة + شوية الزيتون أخضر .

الطريقة :

في مقلى نضع شوية زيت العود و نشحرالبصلة  و الفلفلة تم نزيد شوية ملح و لبزار و سكينجبير و كنور محكوك و ألخرقوم + 1 ملعقة ماتيشا ديال الحك و شوية ديال الهريسة و الزيتون أخضر مقطع تم نزيد الروز و الكاشير  محكوك و نخلط الكل و نخليوه  يبرد 
ناخد كرة العجينة و نسرحوها و ندهنها بخليط زبدة و زيت مدوبين تم نضع في وسطها 2 معالق كبار من الحشوة و نعملها مسيمنا مربعة مع وضع الجانب الأيمن فوق و الأيسر في الأسفل و نضعها في الطاوة و ندهنها بخليط بيضة و نسكاف و قطرات خل و نزوقوها من فوق  بقلب أو نجمة من الفلفلة تم نطيبوها.

 و بالصحة و الراحة.

SHARE

About Oum Hicham

0 commentaires :

Enregistrer un commentaire