مطبخ أم هشام
مأكولات و حلويات مغربية
Home » » كيكة باليمون

كيكة باليمون

Written By Oum Hicham on mercredi 17 octobre 2012 | 04:40





المقادير:

 2 بيضات + 3 خماراث حمرين +  1 فاني عادي + 1فاني زهر+ كاس عنبة عصير لشين + كاس عنبة سكر + كاس عنبة الا ربع زيت  + 2 كيسان عنبة ونصف من الطحين .

للتزيين :   شوية من الكونفتور + شوية من الكوك  + قشور الليون معسلين


 الطريقة:

اولا نخدم ابيض البيض مع قبصة  ملح و فاني عادي حتى يولي بحال الثلج ونتركه جانبا، وفي اناء اخر نخدم اصفر البيض  مع السكر وفاني الزهر مزيان ثم نزيد الزيت شوية بشوية ونحن كنخدم ثم عصير الليمون ثم الطحين مغربل مع الخمارات ونحرك بمعلقة خشب ثم في الأخير نزيد بياض البيض اللي خدمنا ونحرك غير بشوية حتى يتخلط الكل ثم ندهن المول بالزبدة  ونرشه بالطحين ونكب الخليط ثم نخلوها تطيب على عافية مهيلة .

التزيين :

 ناخد قشور الليمون ونصلقهم في شوية ماء ثم نرمو دلك الماء ونزيد كاس ماء آخر  في ألكاصرونة مع قشور الليمون وعود قرفة وشوية سكر او عسل ونخلوهم يتعسلو ونزوق بهم حسب الدوق. 

ملاحضة: انامكنسقيهاش حيت كتجي رطبة وهشيششة بزاف غير كندهنها بالكونفتور ونرش عليها الكوك من فوق ثم نزينها بقشور الليمون معسلين على شكل ورود.

  وبالصحة والراحة

SHARE

About Oum Hicham

2 commentaires :

  1. السلام عليكم و رحمة الله و بركاته
    طريقة التزيين زوينة تبارك الله عليك و عواشر مبروكة باش ما تمنيتي

    RépondreSupprimer
    Réponses
    1. و عليكم السلام أختي ، الله يبارك فيك علينا وعليك

      Supprimer