مطبخ أم هشام
مأكولات و حلويات مغربية
Home » » بقولة باوراق باربا

بقولة باوراق باربا

Written By Oum Hicham on jeudi 20 décembre 2012 | 11:03




المقادير:

كمية من اوراق باربا طرية انا كنشري حزمة باربا كبيرة باوراقها+ 6 فصوص تومة محكوكة +1 حامضة مسيرة +شوية كامون + شوية  ملح + كاس ونصف  زيت  العود + شوية زيتون + شوية ديال فلفلة حارة حسب الرغبة +  عصير  نصف حامضة + كاس ديال الماء.

الطريقة:

اولا ناخد اوراق باربا ونرقدهم في بانيو فيه ماء ونخلوهم ربع ساعة يترقد مزيان عاد نزولهم ونعاود لهم لغسيل 3  مرات حتى يتنقاو من التراب ونخلوهم يستقطرو  تم  نقطعهم  بحال الخبيزة  ونضعهم في الكوكوت مع كاس ماء ونسد عليهاغير تصفر الكوكوت نحسب      10دقاءق ونحل عليها نلقاوها ناشفة من الماء ونزيد عليها زيت العود والتومة والمسيرمقطع صغير ونحرك الكل ونخلوها فوق عافية مهيلة مع التحراك حتى تبان لنا زيت العود عاد نزيد معلقة صغيرة كامون وعصير نصف حامضة ونحرك الخليط ثم نطفو عليهاونزيد الزيتون اما الملح و الحارة فتبقى على حسب دوقكم وانا زينتها بباربا باش اللي شافها يعرف بانها خبيزة باربا وانتم لكم واسع النضر في التقديم.
وبالصحة والراحة.
SHARE

About Oum Hicham

0 commentaires :

Enregistrer un commentaire