مطبخ أم هشام
مأكولات و حلويات مغربية
Home » » محنشات مالحين

محنشات مالحين

Written By Oum Hicham on dimanche 30 décembre 2012 | 12:22


المقادير:

العجينة:

نصف كيلو طحين فرص + رابعة طحين فينو ديال القمح + شوية ملح + 2 معالق زيت ماءدة + ماء دافي للعجين+ شوية زبدة وزيت للتوراق.
نعجن العجين عادي وندلكوها مزيان ونعمل منها كويرات صغيرة  ندهنهم بالزيت ونغطوهم .




الحشوة :

رابعة كفتة + 4بصلات كبارمشلدين رقاق + 3 فلفلات ملونين مقطعين مربعات صغار + 2 خزوات كبار محكوكين في حكاكة غليضة + 1 كنور بقري + شوية زيتون اخضر مقطع +1  بكية صغيرة شعرية صينية + نصف معلقة لبزار + نصف معلقة صغيرة سكنجبر + نصف معلقة صغيرة خرقوم بلدي + نصف معلقة صغيرة تحمرة + شوية منالهريسة  حسب الرغبة +شوية زيت العود + شوية من الفروماج محكوك +شوية ملح نرد البال لان كنور والزيتون مالحين + شوية ديال الربيع مقطع.

للتزيين : 1 بيضة مضربة مع شوة نسكافي وقطرات من الخل + شوية ديال الزنجلان والبافو .

الطريقة :

اولا نحضر الحشوة في مقلى او طنجرة نضع البصلة مشلدة مع ملح ولبزاروشوية زيت العود ونخلوها  ثتشحرثم نزيد الفلفلة  وباقي العطرية وخزو محكوك ثم نزيد الكفتة ونفتوها مزيان مع التحراك واخيرا نزيد الربيع مقطعوالشعرية الصينية مقطعة بعد ما رقدناها في ماء مغلي وصفيناها ثم نزيد الزيتون ونخلط الكل ونطفو على العافية ونزيد شوية ديال فروماج محكوك ونخلوها تبرد .
ناخد كرة من العجينة ونسرحوها مزيان خاص تورق بلا ما تقطع الورقة هدا هو السر كتجي الورقة بحال ديالالبسطيلة وندهنها بخليط زيت وزبدة ثم نضع الحشوة على شكل قضيب ونلويو عليها لعجينة ومن بعد نلووها علىشكل حلزوني الكل يعرف هدا ثم نضعها ف الطاوة حتى نكمل ندهنهم بالبيض ونرش بالزنجلان والبافو ثم للفران اما التزيين فيبقى حسب رغبتكم وكدلك بالنسبة للحشوة.
وبالصحة والراحة.
SHARE

About Oum Hicham

0 commentaires :

Enregistrer un commentaire