مطبخ أم هشام
مأكولات و حلويات مغربية
Home » » بريوات ومحشات بعجينة الرغايف

بريوات ومحشات بعجينة الرغايف

Written By Oum Hicham on dimanche 17 février 2013 | 12:56


المقادير :

العجينة  : كيلو الا ربع من طحين الفرص الممتاز + معلقة صغيرة ملح +  خمارة حمرة + الماء البارد لجمع العجينة نعجنها عادي وماخصهاش تكون مرخوفة وندلكها مزيان تماما مثل عجينة الرغايف ثم نعملها كويرات صغيرة وندهنها بالزيت ونخلوها جانبا .

للتوراق   :  شوية زيت وشوية زبدة.

للثزيين : بيضة مضربة مع ساشي نسكافي + شوية لوز افلي.

الحشوة:

نصف كيلو من صدر الدجاج + نصف كيو بصلة مشلدة + شوية زيت العود + معلقة صغية سكنجر + معلقة صغيرة خرقوم بلدي + قياس الملحة + دامة زعفران +  كنور دجاج + معلقة صغيرة قرفة + نصف معلقة صغيرة لبزار +شوية الزيتون اخضر مقطع + شوية فروماج محكوك + بكية كبيرة شعرية صينية نكب عليها ماء طايب ونصفوها ثم نقطعها.

الطريقة:

اولا نغسل مزيان هبرة الدجاج بالحامض والملح ثم نصفوها ونقطعها شراءح رقاق وطوال شوية بحال البسطيلة ونشرملهم في شوية ملح لبزار سكنجبر خرقوم ومن الاحسن نوجدهم من قبل ثم ناخد مقلى او طنجرة ونضع فيها البصلة مشلدة وشوية زيت العود ونشحرها ثم نزيد شراءح الدجاج وجميع العطرية وكنورمحكوك والقرفة ونخلط الكل ونخلوهم يتشحرو مزيان ثم نزيد الزيتون والشعرية ونخلط الكل ونطفو على العافية ونخلو الحشوة تبرد.
ناخد كرة من العجينة وندهن الطابلة بالزيت ثم نسرحها وهنا السر ديال التوراق فما نكرصوهاش غيرنمشيو يدنا حتى تبان لينا الطابلة ونحاول ما نقطعوهاش وندهنها بالزبدة ثم نقطعها بالموس الى نصفين حتى نحصل على2 نصف داءرة فان اردنا عمل لبريوات نقطع الداءرةفي الطول ثم نطوو كل نصف داءرة على 2 مرة اخرى ونضع الحشوة وندردر عليها شوية فروماج ثم نعمل بريوة عادية ونضعهم في طاوة الفران ونطيبهم في الفران وحتى يقربو اطيبو نخرجهم وندهنهم بخليط البيضة وندردر عليهم شوية من اللوز افلي ونردهم للفران غير شوية .
اما ان اردنا عمل لمحنشات فناخد كرة من العجينة ونسرحها رقيقة وندهنها بالزبدة ثم نقطعها بالموس على 2 في العرض ونعمل الحشوة على شكل بودا طويلثم ندردر عليه شوية فروماج محكوك من فوق ثم نلويوهاحتى نحصل على قضيب طويل ثم نلووها على شكل محنشة ونضعها في طاوة الفران وندهنها بخليط البيضة ونطيبهم عادي.

 وبالصحة والراحة.



SHARE

About Oum Hicham

0 commentaires :

Enregistrer un commentaire