مطبخ أم هشام
مأكولات و حلويات مغربية
Home » » حلوة السبولا بالتمر والورقة

حلوة السبولا بالتمر والورقة

Written By Unknown on vendredi 8 mars 2013 | 03:33


المقادير:

الورقة : 
  نصف كيلو طحين فرص + نصف كاس زيت+ 2 معالق كبيرة  زبدة رطبة + ماء الزهر لجمع العجينة نخلط الكل وندلكها مزيان ونقسمها كريصات حسب اللون الي بغينا فواحدة نزيد عليها قليل من  كاكاو غبرة و ماء الزهر ونجمع العجينة وان خاص الطحين نزيده ثم نعمله في بلاستك غداءي والكريصة الثانية نزيد عليهاملون اخضر والثالثة ملون برتقالي ونعملهم في بلاستيك غداءي ونخلوهم يرتاحو 
الحشوة :



كيلو تمر معجون +كاس زنجلان محمر وصاين +معلقة صغيرة قرفة + 2معالق كبار زبدة +2قطرات من روح الزهر + كاس صغير كركاع مهرمش +2معالق ماء الزهر نخلط الكل ونعمل صبيعات صغار ورقاق
للتزيين :  ناباج وشوية صقلي غداءي +كويغطات الحلوة 

الطريقة   :
نسرح لعجينة ديال الكاكاوفي الوراقة رقيقة بحال ديال لكعاب ثم نقطعها بجرارة بيتزا او الموس الى شراءط رقيقة عرضها سنتمتر واحد ثم نضعها في القالب الخاص الاصفر ديال المعمول الكل يعرفه من بعد ناخد لعجينة البيضاء ونورقها حتى هي رقيقة ونقطعها مربعات صغار ونضعها  من فوق  في القالب فوق شريط الكاكاو ثم نضع في وسطها قضيب حشوة التمر ثم نجمع اطراف العجينة ونسدها وان كانت زاءدة نقطعها ثم نقلب المرشم على الطاوة ونتقبها بلابرة ثم نزوقها من فوق حسب الرغبة  اما بورود او اوراق شجرة عنب صغيرة او نتركها كما هي فلكم واسع النضر ثم ندخهاللفرانتطيب  على عافية مهيلة ومنبعد ندهنها بالناباج ونزوقها بشوية صقلي ونضعها في كويغطات وشي دعوة زينة من عندكم راني تعبت من الكتابة 
وبالصحة والراحة 

SHARE

About Unknown

0 commentaires :

Enregistrer un commentaire