المقادير:
الحشوة : كاس عنبة خزو محكوك خضرفي حكاكة غليضة +علبة طون مصفات ومفتة +كاس صغير زيتون اخضر دواءر +كاس صغير درا معلبة + كاس عنبة فلفلة حمرة مقطعة صغيرة +شوية معدنوس مقطع+شوية لبزار +
1كنورحوت محكوك+ معلقة زيت العود+ معلقة صغيرة زعترمحكوك+ شوية من فروماج احمر محكوك ونخلط الكل ونعمر بها العشيشات بدون ما نشحروها.
العجينة : نصف كيلو طحين فينو+ كاس عنبة طحين فرص + معلقة صغيرة ملح + 5 معالق كبار زبدة رطبة تقريبا 60g +معلقة كبيرة سكر +معلقة كبيرة عامرة خميرة معجونة ويمكن اكثر حسب الجو + 1خمارة حمرة +
4 معالق كبار زيت ماءدة + ماء دافىء تقريبا 2 كيسان صغار ونصف.
الطريقة:
في كاس صغير نضع خميرة معجونة والسكر ونعمره بالماء دافيء ونخلو الخليط دقاءق حتى تتفاعل الخميرة.
ناخد كصرية ونضع فيها الطحين والملح وباقي المقادير الا الزبدة نخلوها حتى الاخيرونعجن عادي ثم نزيد الزبدة
مع الدلك حتى تولي لعجينة لينة ونتركها تخمر ثم نعملها كريصات صغاراو كوميرات لان حجمهم يتضاعف ونضعهم في الطاوة مدهونة ثم نعمرالحفرة في وسط كل كريصة او كوميرة بمعلقة من الحشوة و ندهنها بخليط بيضة مخلطة مع شوية نسكافي وشوية خل من الجوانب وندردر عليها شوية سانوج من فوق و نخلوها تخمر ثمنطيبها في الفران .
وبالصحة والراحة.
Photo0027t.jpg)
0 commentaires :
Enregistrer un commentaire