غريبة باللوز إيفيلي و بزبيب بالألوان

المقادير : 

1/4 زبدة

4 أصفر البيض

2 كيسان صغار سكر

2كيسان صغار زيت

2 Alsa حمرة
1فاني

  الطحين حسب  الخليط 

للتزيين  : 

125غ زبيب أبيض مبلل في ماء الزهر و مصفي و مطحون مزيان 

150غ لوز إيفيلي
 ملون أحمر و أخضر

 1معلقة كبيرة ناباج
نطحن الزبيب في مولينكس مزيان و نزيد ليه ملعقة كبيرة د نابآج و نقسم الخليط على جوج الأول نديرو فيه ملون أحمر و التاني نديرو فيه ملون أخضر 
الطريقة: 

في جسريا نخدم مزيان الزبدة رطبة مع 2 كيسان سكر حتى تولي كريمة و  نزيد أصفر البيض و زيت و نخلط الكل مزيان تم الطحين و الخميرة
 العجينة خاص تكون رطبة تم نكوروها كويرات صغار و ندهن الوجه في خليط بيضة مضربا تم نفندوها في لوز إيفيل و من بعد نضع حفرة في وسط الغريبة ونعمروها بحشوة  الزبيب حسب  لون لي بغيتي متلا طاوة خضرة و طاوة حمرا تم نطيبوها في الفرن على نار مهلة 
ملاحظة: نكور لغريبة كويرات صغار شوية حيت كاتنفخ في لفرن و خلوها في الطاوة حتى تبرد باش ماتفتتش عاد حييدووها 

بصحة و راحة

SHARE

About Unknown