مطبخ أم هشام
مأكولات و حلويات مغربية
Home » » دجاجة محمرة ومخضرة بالخضر

دجاجة محمرة ومخضرة بالخضر

Written By Oum Hicham on vendredi 25 janvier 2013 | 14:12

المقادير:

دجاجة + نصف معلقة لبزار +نصف معلقة خرقوم بلدي+ معلقة صغيرة سكنجبر + نصف معلقة مخلطة مابين بسبسة وقعقلة  مطحونين + شوية زعفران حر او دامة ديال الزعفران +معلقة صغىيرة سمن +بصلة مشلدة +شوية قصبور و معدنوس مقطعين + عود قرفة +نصف حامضة مسيرة + عصير نصف حامضة +   4 دروس تومة + ربع كاس صغير زيت .مخلطة + كاس كبير ديال الماء.

للتزيين:

 فلفلة حلوة بالوانها مشوية ومقطعة طريفات صغار و نصوتيوها في شوية زيت العود مع قياس الملحة وقبصة لبزار.



 الطريقة:

  بالنسبة  للبطاطا  الصغيرة ناخدها ونقشروها غير القشرة الفوقانية ونضعها في الكوكوت مع 4 معالق زيت العود وقياس الملح ونصف كاس ماء ونصف معلقة صغيرة كامون ونسد الكوكوت ونقص العافية غير تصفر نحسب لها 10 دقاءق ومرة مرة نحرك    الكوكوت ثم نطفو عليها ماتشبعيش منها وكنحطها كدلك في طبيسلات محشية فيها الكوردوانا هنا خضرت بها. 
 وفي اناء نضع فيه الثومة مدقوقة مع ربيع ولبزار وسكنجبر والخرقوم والزعفران واللب ديال لمسير وعصير الحامض وسمن ونخلط الكل بشوية ديال الماء ثم ناخد الدجاجة مغسولة مزيان ومقطرة ثم نشرملوها مزيان من الداخل والخارج  من الاحسن نشرملوها بالليل وفي الغد نضعها في الطنجرة من جهة الجنب و نضع معها باقي الشرمولة ونخلوها تتشحر شوية داءما العافية ناقصة ونقلبها على جميع الجهات ونخلو جهة الصدر هي الاخيرة باش ماتحيدش ليه الجلدة عاد نزيد البصلة مشدلة رقيقة ونخلوها تتعرق شوية عاد نزيد الزيت وفي كل مرة نتقب الدجاجة ثم نرويو ما نكتروش الماء وغير تطيب الدجاجة نزولها وندهنها غير بشوية ديال السمن ودنخلها للفران تتحمر.اما المرقة كناخدها ونصفيوها في الصفاية ونمعص مزيان الشرمولة ديال البصلة حتى تولي كلها ساءلة ثم نرجعها للطنجرة ونرجع الدجاجة بعد ما تحمرات للطنجرة ونخلي المرقة تتشرب شوية ونطفي عليها ثم ناخد طبصيل التقديم ونقدمها مرفوقة بالبطاطا ومزينة بالفلفلة وفوقها شوية صفر بيضة محكوك وان كانت الفلفة صفراء نعوضها ونحن في الشمال كنقدمها بانواع مختلفة من الفلفلة ومرة اخرى غانقدمها لكم بعقدة الفلفلة و شي دعوة من عندكم راني سخفت مع هاد لكتابة .
وبالصحة والراحة.
SHARE

About Oum Hicham

0 commentaires :

Enregistrer un commentaire